Պարգև սրբազանը սրտի կաթված է ստացել. Sputnik Արմենիա

Սրբազանն ասել է, որ առաջիկայում պատրաստվում է վիրահատություն նպատակով մեկնել արտերկիր։

Հայ առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը մի քանի օր առաջ սրտի կաթված է ստացել, սրբազանն այժմ Երևանում է: Այժմ լուծվում է նրան ԱՄՆ տեղափոխելու հարցը։

ArmLur.am-ը փորձել է զրուցել Պարգև սրբազանի հետ պարզելու համար` առողջական ինչ վիճակում է նա:

«Սրբազանն ասաց, որ չի ցանկանում որևէ բան այս պահին խոսել, քանի օր առաջիկայում պատրաստվում է վիրահատություն նպատակով մեկնել արտերկիր»,–գրել է կայքը։

Սրբազանն ասել է, որ այժմ այլ հարցեր կան, որոնց մասին դեռ չի ցանկանում խոսել, այժմ իր բուժման հարցերով է զբաղված։

Հիշեցնենք, որ պատերազմի օրերին սրբազանը մեկ օր անգամ չի հանգստացել։ Նա ոչ միայն ժողովրդին էր դիմում ու ոգևորում, այլև միջազգային հանրությանը հորդորում էր քայլեր ձեռնարկել արցախյան պատերազմը կանգնեցնելու ու կյանքեր փրկելու համար։